मेरो फूलबारी

उ मेरो सहपाठी। ४ वर्षसँगै पढेको। तर चिनजान भने B.E. Entrance पढ्दा देखिको । Entrance तयारी गर्ने ठाउँमा नै हामी नजिकिईसकेका थियौ किनकी हामी राम्रो गर्नेहरुमा पर्दथ्यौं र पछि Entrance मा पनि राम्रो गर्नेहरुमा परेकोले सँगै पढ्न पायौं। B.E. पछि अवसरको खोजीमा आ-आफ्नो वाटो लाग्यौं। उ कतै पुग्यो म कतै।

२ महिना पछि च्याट हुँदै छ। हालसालै उसले Yahoo! मा जागिरको अवसर पाएको कुरा वताउँदा मलाई एकदम खुसी लागेर आयो।त्यसैको तयारीमा उ हराएको रहेछ धेरै समय। खासमा मैले काम गर्ने Research Lab मा Yahoo! र Microsoft Research का मान्छेहरु आएर Research Findings को Presentation दिईराख्छन्। यस्तो देख्दा म पनि एकदिन यस्तै वन्नेछु भनेर मनमनै कल्पना गर्छु। यो त्यति सहज लक्ष्य पक्कै हैन तर नसकिने पनि  हैन। खाँचो छ त केवल मेहेनतको ! April fool हो भनेर उसको कुरा नपत्याउने कारण पनि छैन किनकि April २ भैसकेको छ उसको ठाउँमा पनि :) ।

हुन त कुन जागिर राम्रो कुन नराम्रो भन्ने कुरा निरपेक्ष कुरा नभई सापेक्ष कुरा हो । अर्थात त्यही जागिर कसैको लागि साधारण लाग्न सक्छ भने कसैको लागि निकै ठूलो। मेरो नजरमा यो एकदमै ठूलो अवसर हो किनकि त्यो प्रतिष्ठित कम्पनीमा काम गर्ने मैंले चिनेको कोही पनि नेपाली छैन। यो समयमा Yahoo! मा Computer Engineer को जागिर पाउँनु निकै गर्व कै कुरा हो। त्यसमाथि नेपाली अनि आफ्नै साथीले पाउँदा अझ खुसि लाग्ने नै भयो। उसलाई झन कस्तो लागिरहेको होला, म कल्पनासम्म गर्न सक्छु।