मेरो फूलबारी

त्यहि दिन देखि मलाई तिम्रो माया लाग्छ, जुन दिन तिमीले मेरो ध्यान तानेकी थियौ। म तन्नेरी योग्य मान्छे, तिमी पाको, अनुभव वटुलेकी। मन नै थाम्न सकिन, अनि पत्र लेखेथें। ह्वयान्डसम देखेर त होला नी हौ, तिमिले ने स्विक्रिति दे को। तिमीलाई म चाहिने र मलाई तिमी चाहिने भएकोले पनि गठबन्धन बन्यो है।

जव मैले तिमीलाई पहिलो पाली देखेथें तिम्रो रापले मलाई पोलेको थियो। यो राप पछि पछि त स्वागतको प्रकाश झै लाग्यो। मेरो आगमनले तिमी पनि मख्ख परेकि देखिन्थ्यौ। हरियो वस्त्रले ढपक्कै ढाकेकी तिमी पनि क्या सुन्दिरी, वयान नै कसरी गरौं र।

जव जव म तिमीमा हराउन थाले, दिन वितेको पत्तै भएन। तिम्रो माया र प्रितीले गर्दा नै म देश विदेश घुम्न सकें। धन्य छौ तिमी। भन म के दिन सक्छु तिमीलाई? माग, म मेरो सामर्थ्यले सके सम्म दिन्छु्। भन्दि हौ तिमी बस अझै म संगै, तर मलाई मन नै छैन अनि संभव पनि छैन। कति निष्ठुरी है, मन नै छैन रे? के गर्नु र हेर न यो संसार यस्तै रै छ, मिलन र विछोड र आईरहने रहेछ। म तिम्रो मायामा यस्तरि डुवेको छु, यो जालवाट उम्किने हिम्मत नै गर्न सक्दिन। त्यसैले भौतिक रुपमा टाढा रहे पनि मायाको संसार हेर्ने हो भने म तिम्रो हितैषी मित्र भएर रहिरहने छु, यस्तो मित्र जुन अघाड सम्म रहिरहने छ, मेरो जिवनमा।

परिवारको क्षत्रछायाँवाट टाढा रहेपनि तिमीले मलाई एक्लो अनुभुति गराएनौ। अघी नै भने नि, तिम्रो साथमा हुँदा सम्म म आफूलाई आफ्नै घरमा भएको महसुस गरायौ। तिम्रा यस्ता कैयन कुराले मेरो मन पगालेको छ।

अनि तिमी छौ र त म छु। तिमी रह्यौ भने पो म पनि रहन्छु त। तिम्रो कलंक मेरो कलंक, तिम्रो उन्नति, मेरो उन्नति। त्यसैले तिमीलाई धेरै धेरै शुभकामना अनि भविष्यमा तिम्रो उन्नतिको कामना। कुनै पनि समयको कुनै पनि वेला मेरो सहयोग र समर्थन तिमीलाई। सफल भविष्यको कामना सहित तिमीसंग छुट्दै छु, बस भौतिक रुपले मात्र। थाहा छ, तिमी रुने छैन, तिमी हाँसि-हाँसि विदाई गर्ने छौ किनकी तिम्ले म संगको विछोडको पिडा कम गर्न अरुलाई छान्न थालीसकेकी छौ। म भने अलिक यस्तो छैन, म आँशु खसाल्दै छुट्दै छु । हेर हेर रोएकी , नरोउ मेरो कुराले…., तिमी पनि, मेरो आँशु त हर्षको आँशु पो त। लौ है, तिम्रो अघाड प्रेमी विदा माग्दै छ।

[ तिमी, उनी => AIT:) ]